نئی دہلی :26/ جنوری (ایس اونیوز /آئی این ایس انڈیا) ملک کے 70 ویں یوم جمہوریہ کے موقع پر وجے چوک سے تاریخی لال قلعہ تک ملک کی آن بان شان کا شاندار نظارہ دیکھا گیا جس میں قدیم زمانے سے اتحادی کی وارثت میں مختلف حالتوں والی وراثت ، جدید دور کی مختلف شعبہ کی کامیابیاں اور ملی تحفظ کی ضمانت دینے والی فوج کی صلاحیت کا خوبصورت مظاہرہ ہوا۔ اس سال یوم جمہوریہ پریڈ کے مہمان خصوصی کے طور پر جنوبی افریقہ کے صدر سائرل رام فوساکی موجودگی مہاتما گاندھی کے ذریعہ بھارت ۔ جنوبی افریقہ کے تعلقات کاگواہ بنا۔. راج پتھ پر پریڈ میں جہاں ساری دنیا انفرادیت و تکثیریت کے حامل بھارت کو ایک سرے میں سمونے والی ہر خطہ کی ثقافتی کو دکھایا، وہیں جدید ہتھیاروں، میزائلوں، طیاروں اور ہندوستانی فوجیوں کے دستوں نے ملک کے کسی بھی چیلنج سے نمٹنے کی طاقت کا مظاہرہ کیا۔ سب سے آخر میں تجس سے بھر دینے والے فضائیہ کے جدید طیاروں کو راج پتھ کے اوپر سے حیرت انگیز طور پر پرواز بھرتے دیکھ کر ان طیاروں کی طاقت کے ساتھ ہی فضائیہ کے پائلٹوں کا ہنر اور جا نبازی کا احساس ہوا۔ یوم جمہوریہ پریڈ میں ہی نہیں بلکہ اسے دیکھنے آئے ملک کے ہر علاقے، کمیونٹی، ذات اور مذہب کے امنڈے عوامی مبینہ سیلاب نے کثرت میں وحدت کی تصویر پیش کی۔ پریڈ کے 8 کلومیٹر کے راستے میں بچوں، خواتین، نوجوانوں کے چہروں کی چمک اور جوش و خروش قابلِ دید تھا۔جموں کشمیر کے شوپیاں ضلع میں گزشتہ سال نومبر میں جنگجوؤں سے لوہا لیتے وقت جان قربان کرنے والے لانس نائک نذیر احمد کو صدر رام ناتھ کووندنے اشوک چکر سے نوازا۔ وانی اشوک چکر پانے والے پہلے کشمیری ہیں۔ قریب 10 بجے صدر رام ناتھ کووند نے ترنگا لہرایا۔ قومی گیت کی دھنوں کے درمیان 21 توپوں کی سلامی کے بعد جب پریڈ کا آغاز ہوا تو اس وقت حب الوطنی چھلک پڑی ۔قومی دارالحکومت میں 70 ویں یوم جمہوریہ کے جشن پر راج پتھ اور ارد گرد کے علاقوں میں سخت حفاظتی انتظامات تھے۔ جنوبی افریقہ کے صدر سائرل رام فوسا اس تقریب کے مہمان خصوصی تھے ۔ راج پتھ پہنچنے سے پہلے وزیر اعظم نریندر مودی نے وزیر دفاع نرملا سیتا رمن اور تینوں فوج کے سربراہوں کے ساتھ امر جوان جیوتی پر شہیدوں کو خراج عقیدت پیش کیا۔ واضح ہو کہ مودی اس سال بھی روایتی کرتا پائجامہ کے ساتھ ’نہرو جیکٹ ‘پہنے نظر آئے۔ انہوں نے راج پتھ پہنچ کر صدر رام ناتھ کووند اور مہمان خصوصی کا استقبال کیا ۔وزیر داخلہ راج ناتھ سنگھ، وزیر خارجہ سشما سوراج سمیت مودی حکومت کے زیادہ تر وزرا نے اور سابق وزیر اعظم منموہن سنگھ اور ایچ ڈی دیوگوڑا، کانگریس صدر راہل گاندھی، سینئر کانگریس لیڈر غلام نبی آزاد نے بھی تقریب میں شرکت کی۔ پریڈ کاآغاز ہیلی کاپٹر سے گلاب کی پنکھڑیاں برسانے کے ساتھ ہوا۔ سرد موسم کے باوجود لوگوں کے جوش میں کوئی کمی نہیں تھی۔راج پتھ پر 70 ویں یوم جمہوریہ پریڈ میں خواتین کی ہمت ودلیری کا شاندارمظاہرہ دیکھنے کو ملا جہاں بحریہ اور فوج کے کئی دستوں کی قیادت میں انہوں نے کیا اور ایک عورت افسر نے موٹر سائیکل پر حیرت انگیز کارنامے دکھائے۔ پہلی بار یوم جمہوریہ پریڈ میں شامل ہوکر آسام رائفلز خاتون ٹیم نے اس سال تاریخ رقم کی ۔ پہلی بار ایک خاتون افسر لیفٹیننٹ بھاونا کستوری نے ہندوستان فوج سروس کور کے دستے کی قیادت کی اور مسلح افواج میں تیسری نسل کی افسر کیپٹن بھاونا سیال نے ٹراسپورٹیبل سیٹلائٹ ٹرمینل کے اسکواڈ کی قیادت کی۔یوم جمہوریہ کے دوران راج پتھ پر نکالی گئی 22 جھانکی میں بابائے قوم مہاتما گاندھی کی زندگی سے منسلک مختلف پہلوؤں کی جھلک دیکھنے کو ملی۔ مہاتما گاندھی کی 150 ویں یوم پیدائش کے موقع پر اس وقت راج پتھ پر نکالی گئی 22 جھانکی میں گاندھی جی کی زندگی سے منسلک مختلف پہلوؤں کو دکھایا گیا۔